Akademi Kreyòl Ayisyen klotire anpenpan mwa selebrasyon lang ak kilti kreyòl 2023

Jedi 26 oktòb 2023 a, nan otèl Marriott, Akademi Kreyòl Ayisyen klotire an bote Mwa selebrasyon lang ak kilti kreyòl li te lanse depi 6 oktòb anba tèm: “Lang kreyòl ayisyen: yon zouti pou devlopman dirab”. Pou okazyon an, divès kreyolis, pèsonalite nan sektè kiltirèl ayisyen an ak reprezantan responsab nan gouvènman an te fè deplasman pou bay lang ak kilti kreyòl ayisyen an yon bèl ochan.